Bilbil

  1. Februar 2015

(Ev helbest li ser helbesteka min a kevin hatiye vehûnandin)

Hevalê, bo Xwedê bêje

Çima bilbil wilo gêj e

Gemî westî di derya da

Me dil zer bû bi feryada

Eve dîlber di malê da

Wekî hespê di tewlê da

Girêdane bi zincîran

Wekî girtî di cengê da…

Hevalê, bo Xwedê rabe

Me dil îro çemê Zab e

Çi fîxan e ji bilbil tê!

Çi hawar e şeva reş tê!

Welatê xwe dibînim ez

Wekî dîlber di xewnê da

Keça nazik ji baxê tê

Wekî heyva zerîn hiltê

Neyarê me wekî mar e

Li pey wê dev tijî jehr e

Hevalê, bo Xwedê kanî

Pênûsa E’hmedê Xanî

Bila dîsa binivsîne

Gulîstanan bixemlîne

Mem û Zînê ji xew rake

Û destên wan bihevgîne

Neyarên me wekî xulî

Di bin solên me da dîne

Eger Xanî dizanin em

Gelek dî jî veşartîne

Li hember toz û tolazan

Bila dîsa bigazîne:

„Gelê Kurdî nema dimre

Ewê niştê xwe bistîne…“

Advertisements