NEWROZ


  • Cankurd
  • Wek qurmekê dara gulê
    Her salekê şiqin didim

    Tarî û şev min nas dikin
    Tîrêjeka rojê me ez…

    Min lêv dikin li her deran
    Ez dame ser çav û seran

    Van Kurd hemî min hezdikin
    Hozaneka Xanî me ez…

    Her dijminê tariyê me
    Rûpeleka şorişê me

    Keçik bi min xwe navdikin
    Hêviyeka Kurda me ez…

    Ez nakevim bin destê kes
    Nabim xulam û malê kes

    Zincîra wan ez çirdikim
    Wek pêleka derya me ez…

    Bona gelan li her deran
    Rizgariya hemû kesan

    Bo rojeka azadiyê
    Tivingeka cengê me ez…

    Cejna we me, Newrozime
    Ez şoriş û bahozime

    Bo serxwebûnê şer dikim
    Pêşmergeyê çiya me ez…

    Bona şehîd misk û gulav
    Bo bendiyan ezim silav

    Hem saz û awazên we me
    Hem çakûtê Kawa me ez…

    *****
    Welatim
    1985
    Ey welatim! Tu dizanî,
    Dengê me lew naye der,
    Bad û bahoza neyaran,
    Em perîşanin li ber..

    Ey welatim! Şev dirêjin,
    Bo me herdem reşqeder,
    Rê tijî xûna şehîdan,
    Dil tijî ah û keser..

    Ey welatim! Em belavin,
    Bend û dîlin, ser bi ser,
    Bo te em tevde hevalin,
    Em dikin gazî ji ter..

    Ey welatim! Tu şirînî,
    Xençera Kawa di ber,
    Tu bi çavên xwe dibînî,
    Law û dotan çûne şer..

    Ey welatim! Rabe ser pê,
    Hilde ala kes û zer,
    Em didin boyî felatê,
    Can û mîlak û ceger..

    Ey welatim! Bîne ba hev,
    Van xebatkaran hemî,
    Tev bi hev re bêne qadê,
    Lek bi lek bin sor û zer

    ******

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s