Were, em bifirin

Cankurd

Were,

Bi hev re

Em ji vir biçin

Xwe ji dem û cîh azad bikin

Bi hev re

bala û gelek dûr bifirin…

û li niştekî dûr

dûrî van kelehan

dûrî van sebehan

Em ji xwe re

Li bihiştekê bigerin…

û gava em westiyan

bila em bi hev re bimirin…

Were,

Em li pêlên zireya Atlantik suwar bin

Bi ber bad û bahozek nû Kevin

û ji va rengejiyana bi gelek rûyan

rizgar bibin…

Were,

Em bi tiryaxa evîneke nû

Ser ji nû ve

serxweş û mest bibin

û li hember hêrişa kîn û nevînê

em yekhest bibin…

…û bila li ber çiraxa evîna min û te

bi hezaran gulbax û behar geş bibin.

Were,

Em di nav stêrkan de zevîneke nû

Ji xwe re pêda bikin

…û wê zevînê li ser navên xwe tomar bikin.

Em ê li wir,

her bîranînekê sîl bikin

van bêbextan

û van perwazkiriyan

tevan ji bîr bikin…

Were,

Em piyala dawî bi destpêkeke nû dagirin…

Em bala û bilind hilkişin

Bi milyonan meh û salan

di ser van asoyan re bifirin…

De bila tev li pey me bibêjin:

Heywax, evana çi zûkî hatin û çûn?

çi zûkî ji nêv me barkirin?

û çi zûkî jiyan û mirin…

jiyan û mirin…?

14.12.2007

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s