Ez ji serxwebûna Kurdistanê re dixebitim

Ez ji serxwebûna Kurdistanê re dixebitim

14.07.2010

Min bihîst ku hêjayekî Kurdan gotiye:”Ewê gota serxwebûna Kurdistanê bike, êdî ew xayîn e!”

Hêjayo! Bi Xwedê, ez ji serxwebûna Kurdistanê re dixebitim, û eve armanca min a tev bilind e di jîna min de, û ez amade me di ber vê yekê de canê xwe jî bidim. Heger eve “xiyanet” e bo gelê Kurd, de rabe ji comerdiya xwe navê min di lîsteya xayînan de binivîse. Hema her bawer bike, wê rojekê ev gelê binzorkirî bigihe serxwebûna xwe û wê navên xayînên dij bi serxwebûnê di deftera xwe ya zêrîn de nebîne…Wê sergoyên Kurdistanê jî bi wan “xayîn” ên rast xayîn neyên navkirin. Ez soz didim te.

Hêjayo!

Te dikanî bigota:”Ewê serxwebûna Kurd û Kurdistanê dixwaze, dilgermekî nezan e, helbestvan û xewnok e.” an jî te bigota:”Qey ew har bûye, bi çiya ketiye, û ji xwe re koçk û serayan li ser ewiran pêda dike, çêrokên Avatarî (1) ji xwe re vedihûne, an ew ciwanmirovekî tênegihayî siyasetê ye…” Hema kesê/a serxwebûna Kurd û Kurdistanê ji xwe re bike armanc û axaz, tu wî/ê  wekî “Xayîn” bidî şeqlekirin, eve tew nakeve seriyan û pêwîste tu mikiriyê bi çewtî û şaşî û kêmhişiya xwe bînî zimên û poşmaniya xwe li ber gelê xwe bidî diyar kirin.

Li gor ya te be, heme rêber û mezin û serkêşên gelê me, yên xûna xwe, can û malê xwe, bo vê yekê dane, tev xayîn bûn…Qey Dr. Fuad, Şêx Seîdê Pîran, Leyla Qasim, Dr. Şivan û Mazlum Dogan xayîn bûn? Hema di van 30 salên dawî de bi hezaran law û kiçên me yên leheng ji serxwebûna Kurdistanê re zevîn û çiyayên xwe bi xûna xwe avdane. Qey ewana giş nandoz û dizkar û keleş bûn, peyrewên neyaran û “Caş” bûn?

Di vir de, tu û çi kesê/a wek te diramîne, nagihin toza bin lingên wan fedekaran, niştperweran û azadîxwazan…Şehîdan…

Ewana ciwan bûn, ji Kurdaxê, li rojavayê Kurdistan, ji Behdînan û Soran li jêriya Kurdistanê, ji Sine û Mahabad û Xoy, li rojhilatê Kurdistanê, ji Amed, Batman, û Siwêreka bakurê Kurdistanê, û ta ji komarên asiyayî yên Sovêtistana berê, hatin, lek bi lek, da di ber gelê xwe de berxwedanê bikin û ji serxwebûna niştê xwe re xûna xwe bidin. Qey evana tev “Xayîn” bûn?

Gelê Kurd dixwaze di nav hev de, bi hev re, wekî neteweyeke cîhanê bijî, azad û serbixwe… Kesek nikane vî mafî herdem bincil bike, bitepisîne…û ji mejiyê gelê me sîlbike…Ev ramana hêja û pîroz ji zû ve ketiye seriyê min jî, û wekî min bi mîlyonan mirov li Kurdistanê hene, ku amadene di ber serxwebûna Kurdistana xwe de canê xwe bidin.

*Herbijî têkoşîna neteweya Kurd bo Serxwebûna Kurdistanê

———————————————————————————

(1): Avatar: Navê filmekî bi fantaziyê dagirtî ye, ku dikêmtirî salekê de bi milyaran pere anîn.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s